Што ў гэтым гідзе?
Як жанчыны-мігранткі ствараюць пачуццё дому ў чужым горадзе?
Гэты праект — частка даследчай праграмы Women in Tech і вынік гадавой даследчай працы, прысвечанай праблемам адаптацыі, прыналежнасці і паўсядзённых стратэгій выжывання жанчын-мігрантак у Кракаве.
У адрозненне ад класічнага акадэмічнага артыкула, даследаванне было рэалізавана ў фармаце інтэрактыўнага гіда на Google Earth, які спалучае асабістыя гісторыі ўдзельніц з канкрэтнымі гарадскімі прасторамі. Гэта прыклад даследчага праекта, які ўвасоблены не толькі ў тэксце, але і ў прасторы — праз візуальныя, эмацыйныя і сэнсарныя элементы.
Гісторыі былі сабраныя з выкарыстаннем якасных метадаў — паўструктураваных інтэрв’ю, гарадскіх прагулак (go-along) і метаду photovoice. Усе гэтыя матэрыялы сфарміравалі эмацыйную мапу Кракава, якая паказвае, як жанчыны з розных краін паступова выбудоўваюць пачуццё дому праз асабістыя практыкі, сэнсарны вопыт, сувязі і памяць.
Чым карысны гэты праект як даследаванне?
Ён даследуе home-making як дынамічны працэс стварэння дому ў міграцыі.
Стварае новы фармат прэзентацыі даследавання — інтэрактыўны, даступны і эмпатычны.
Паказвае, як жанчыны выкарыстоўваюць прастору горада, каб наладзіць штодзённы камфорт і адчуванне бяспекі.
Можа быць выкарыстаны як практычны інструмент для новых мігрантак, даследчыц, урбаністаў і арганізацый, што працуюць з тэмай адаптацыі.
Гэты гід створаны на платформе Google Earth і даступны толькі на англійскай мове. Для зручнасці прагляду выкарыстоўвайце камп’ютар ці ноўтбук — на смартфонах гід не адаптаваны. Рэкамендуецца павялічыць маштаб экрана да 120% і уключыць цёмную тэму, каб палепшыць візуальнае ўспрыманне. У гідзе вы знойдзеце кароткія інструкцыі, як ім карыстацца.
Аўтарка: Яра Каральчук
Тиражирование исследование возможно только с согласия проекта “Women in tech” с обязательной ссылкой на сайт проекта. Исследование проведено Центром гендерных исследований ЕГУ в рамках проекта Women in Tech при финансовой поддержке ЕС.
