Узмацненне рэпрэсій, войны, хвалі міграцый, прыход да ўлады правых папулістаў і пагроза біяпалітычнага кантролю над жаночымі целамі робяць наша сённяшняе жыццё пранізаным страхам і трывогай за будучыню. Старыя апоры перастаюць падавацца надзейнымі, а сувязі разбураюцца.

Серыя вебінараў пабудавана так, каб правесці ўдзельні_ц праз абмеркаванне тэм цела і клопату, структурнай няроўнасці, інфраструктур прыгнёту да пераасэнсавання магчымых практык салідарнасці.

Выраз «Крохкія сувязі» мы запазычылі з кнігі Сары Ахмед «Жыць фемінісцкім жыццём». Ён падкрэслівае супярэчлівы характар нашага калектыўнага досведу: прынцыповую сумеснасць і салідарнасць з аднаго боку, і крохкасць і адзіноту – з іншага.

Гэтая праграма накіравана на даследаванне крохкасці нашых сувязяў і магчымасцей для салідарнасці і супраціву ў сучасным свеце.